Bebet që iu ngjajnë baballarëve janë më të shëndetshëm
Të porsalindurit që iu përngjajnë baballarëve janë më të shëndetshëm pas një viti – kjo sepse baballarët shpenzojnë më shumë kohë me ta, thotë një studim i ri.
Sipas hulumtimeve, ngjashmëria e inkurajon babanë që nuk jeton me fëmijën t’i shpenzojë 2.5 ditë më shumë gjatë muajit me fëmijën e tij – sepse është shumë i sigurt që fëmija është gjenetikisht i tij.
Dhe kjo rritje e kohës që e shpenzojnë bashkë babai me të porsalindurin, rezulton në shëndet më të mirë të bebes sepse e redukton ekspozimin potencial ndaj dëmeve duke siguruar kujdes dhe mbikëqyrje më të madhe ndaj bebes.
Dr. Solomon Polachek, një nga autorët e këtij hulumtimi, thotë se baballarët janë të rëndësishëm gjatë rritjes së një fëmije, dhe se lidhja baba-fëmijë e manifeston veten në shëndetin e bebes.
Këto zbulime vlerësohen të rëndësishme sepse mund të ndikojnë në rolin e babait te familjet delikate ku nëna është kujdestarja kryesore.