Edhe meshkujt vuajnë nga depresioni pas lindjes, zbulohen shkaqet

Pas ardhjes në jetë të fëmijës, hormonet që shkojnë lart e poshtë, bëjnë që nëna e re të fillojë të njoh gjithë proçeset që vijnë pas këtaj, nga gjidhënia, tek adaptimi me stilin e ri të jetës, ndërkohë që baba i ri është një nga faktorët që akuzohet shpesh për mënyrën dramatike të ndryshimit tek partnerja. Depresioni Pospartum(DPP) ose blue baby është një çrregullim që prek rreth 13-15% të nënave të reja, por a e dinit që kjo mund t’i ndodh edhe burrave?

Cilat janë shkaqet që çojnë një baba të ri në një trishtim të pa shpjegueshëm dhe situate të pa përshtatshme pas lindjes së një fëmije? Sipas një studimi të fundit nga Universiteti i Auckland (Zelanda e Re) i kryer në 3,523 njerëz rreth moshës 33 vjeçare, 2, 3% kanë treguar simptoma depresive gjatë shtatzënisë së partneres dhe 4.3% pas lindjes së fëmijës. “Është një fenomen që ende po eksplorohet në shoqëritë perëndimore. Janë duke u kryer shumë hulumtime në nivel ndërkombëtar për të hedhur më shumë dritë rreth sikleteve që kalojnë meshkujt pasi bëhen prindër. Shpesh janë motive të fshehura, tek njerëz që nuk i shprehin vuajtjet apo problemet, pra individët e mbyllur në vetvete që luftojnë me armët e tyre për të kërkuar ndihmë dhe për të njohur më në thelb kësi ndryshimesh që sjell në jetën e çiftit ardhja në jetë e një fëmije”, thotë sociologu Roberto Fumagalli.

Por, nëse gratë vuajnë forma depresive dhe të tilla shkaqe janë natyrore për shkak të ndryshimeve të forta hormonale, çfarë e shkakton depresionin tek meshkujt? Sipas Fumagallit kjo gjendje shkaktohet nga faktor kulturor. Në dekadat e fundit shoqëria ka ndryshuar shumë dhe duke mos pasur modele referimi, baballarët e rinj detyrohen të rikthehen tek modelet dhe figurat mëmë prindërore. Sot konceptet “mami” dhe “babi” janë të këmbyeshme si nga pikëpamja profesionale, por për pasojë edhe në atë emocionale. Brezit të ri të baballarëve, u kërkohet të kenë sa autoritet dhe përgjegjësi, po aq edhe të jenë empatik dhe me shije. Cilat janë mjetet juridike në dispozicion? Ekspertët pranojnë se shumica e baballarëve që vuajnë nga depresioni pas lindjes, nuk e njohin atë si një çrregullim, por si një nga dobësitë e tyre. E vetmja zgjidhje do të ishte të ulnin stereotipin e mashkullit që nuk flet për ndjenjat e tij. Është e nevojshme që njeriu të lejojë vetveten të vuajë, të pranojë mbështetje psikologjike dhe të ndihmohet nga partneri. Vlerësojeni këtë këshillë. E thonë vet ekspertët e fushës!

Share With:



49 Views