Ky zbulim do t’u japë fund vdekjeve nga lindja e parakohshme

Një mitër artificiale e testuar së fundmi nga shkencëtarët, mund të ndryshojë rrënjësisht mënyrën sesi doktorët trajtojnë rastet e fëmijëve të lindur para kohe.

Studimi i ri i publikuar në buletinin “Nature Communications” tregon me detaje sesi një qengj i lindur para kohe, mushkëritë e së cilit zhvillohen ashtu si të njeriut, u rrit në një aparaturë të ngjashme me mitrën.

Qengji qëndroi për 4 javë në brendësi të një qeske të ngjashme me atë amniotike, të mbushur me lëng amniotik, në një ambient me temperaturë të kontrolluar.

“Nëse mund të zhvillojmë një sistem të ngjashëm për të mundësuar rritjen për vetëm disa javë, mund të ndryshojmë në mënyrë thelbësore rastet e fëmijëve të lindur shumë para kohe.”- u shpreh Dr. Alan Flake, pjesë e ekipit të studiuesëve.

Ndonëse studimi nuk kishte si synim krijimin e një pajisjeje zëvendësuese për mitrën, në të ardhmen mund të shërbejë që foshnjat e lindura para kohe të mos qëndrojnë në inkubatorë apo në rastin më të keq, të humbin jetën.

Share With:
Translate »
454 Views