Prekëse/ 92 vjeçarja takohet me dy fëmijët hebrenjë që fshehu dhe shpëtoi nga nazistët
Një grua greke, është takuar në moshën 92-vjeçare me motrën dhe vëllain hebre që i shpëtoi nga nazistët gjatë LDB.
Melpomeni Dina ishte adoleshente kur kreu gjestin e jashtëzakonshëm të fshehjes së gjashtë anëtarëve të familjes Mordechai dhe i ndihmoi ata të iknin nga vendi,
Ribashkimi mes lotëve dhe emocioneve u bë në muzeun përkujtimor të Holokaustit në Jeruzalem, teksa të mbijetuarit Sarah Yanai dhe Yossi Mor sollën në event edhe 20 nipërit dhe mbesat e tyre.
Ngjarje të tilla kanë qenë shumë të zakonshme në këtë muze, por për shkak të viteve, kjo ka shumë gjasa të jetë e fundit në llojin e saj.
“Nuk ka fjalë për të përshkruar këtë ndjenjë,” u tha zonja Yanai gazetarëve. “Ishte shumë emocionuese për ne, të ishim përsëri bashkë. Ne ishim të fshehur në shtëpinë e saj. Ajo shpëtoi të gjithë familjen time. Gjashtë persona. Nuk mund ta imagjinoni sesa e rrezikshme ishte për të, për familjen e saj, të na mbante të gjithëve. Ata shpëtuan jetën tonë”, tha Yanai.
Duke shtrënguar duart e atyre që fshehu, i ushqeu dhe i mbrojti si adoleshente më shumë se 75 vite më parë, 92-vjeçarja Melpomeni Dina tha se tani ajo mund të vsdiste në paqe. BBC