Që nga lindja natyrale deri tek emri i bebit, Sara i zbulon të gjitha për shtatzëninë e dytë

Sara Hoxha ka vendosur sot t’u përgjigjet pyetjeve të fansave lidhur me shtatzëninë e saj të dytë duke zbuluar shumë gjëra për të cilat kemi qenë kuriozë.

Sara ka treguar se është 7-muajshe shtatzënë dhe ka shtuar 9 kile. Katër muajt e parë për të kanë qenë të lehtë, por më pas shtatzënia është bërë e vështirë.

Sara ka treguar se lindjen e parë e ka bërë me prerje çezariane, por të dytën do e bëjë natyrale.

E pyetur si e mori London Noor lajmin se do bëhet me vëlla, Sara është përgjigjur: “Nuk mendoj se ai e kupton plotësisht. Ai e përmend bebin, më prek barkun, por le të shohim pas pak muajsh”.

Sara është shprehur se dëshiron të ketë një familje të madhe, por në vitet e ardhshme nuk bën plan për një fëmijë të tretë.

E pyetur nëse ishte e vështirë ta lante bebin për herë të parë, Sara ka treguar se Ledioni e ka ndihmuar shumë në javët e para.

E pyetur për emrin e bebit të dytë, Sara është përgjigjur: “Po, ne e kishim një emër djali para se të ngelesha shtatzënë”.