Të largohesh pak ditë nga fëmija nuk është mëkat, përkundrazi Albani dhe Miriami janë shumë të lumtur
Të gjithë i dinë në majë gishtave teoritë. Fëmija është dashuria më e madhe, mrekullia, fryma, prindërit për ta jetojnë, nuk e mendojnë dot jetën pa ta, etj., etj. Ama në praktikë, ata që kanë një fëmijë të vogël e dinë se është edhe shumë e lodhshme, stresuese. Shumë mama i përkushtohen aq shumë fëmijës sa kanë harruar se kur është hera e fundit që janë krehur e kur kanë vënë buzëkuq. Por në ditët e sotshme edhe baballarët janë po aq të përfshirë në rritjen e fëmijëve dhe lodhen po aq. Dhe si mami si babi kanë gjithë të drejtën e botës që të shkëputen për pak ditë për të qëndruar vetëm. U bën mirë të dyve, i bën mirë fëmijës. I keni parë fotot e Miriamit dhe Albanit këto ditë që janë me pushime?
Duken aq të dashuruar, aq të lumtur me njëri-tjetrin, siç kishim kohë pa i parë. Fotot e tyre me Amelinë janë kartolina, por që kjo shkëputje e vogël pa të ju ka bërë shumë mirë të dyve, këtë e shohim të gjithë. Ja ku u bënë prapë shembulli i çiftit që dinë t’i mbajnë kaq mirë ekuilibrat në familje: edhe për vajzën, edhe për njëri-tjetrin. Kur të kthehen, të çlodhur pas pushimeve, Ameli do t’i ketë të dy për vete gjatë një dimri të gjatë e të gjatë.
*Ky post është publikuar në Tiranapost.al
Burimi: Tiranapost.al