U rrit jetim, rrëfehet 27-vjeçari: ‘Jam i vetëm, kisha frikë kush do më varroste’

Një 27-vjeçar jetim, i rritur te Shtëpia e Fëmijës “Zyber Hallulli”, në një linjë telefonike për emisionin “Me Zemër të Hapur” ka bërë një rrëfim prekës. Rreth tërmetit të 26 Nëntorit që tronditi Shqipërinë, ai u shpreh se nuk kishte frikë nga vdekja, por frikë nga të mos pasurit dikë që ta varroste.

“Jam Mondi nga Tirana, pjesëtar i shtëpisë së fëmijës “Zyber Hallulli”, tani jetoj vetëm në Kombinat. Isha fillikat vetëm, i vetmi që mendoj është Zoti dhe ai ka shkruar në Kuran “Kush mbron dhe ndihmon jetimët, ka vlerësim nga ai”. Iu bëj thirrje të gjithëve pa përjashtim, t’i drejtohen këtyre fëmijëve, këtyre krijesave të pashpresë, që në rast tërmeti të drejtohen te shtëpia e fëmijës. Edhe sikur gjithë Durrësi të shembej, ajo shtëpi nuk do të ishte shembur, sepse i ruan Zoti. Ata janë shkak për të jetuar e mbijetuar të tjerët. Unë jam 27 vjeç, kam gati 9 vjet që jam larguar nga shtëpia e fëmijës, jetoj në Kombinat me qira dhe punoj si kamarier e banakier. Kam një dëm në shpirt, që jam vetëm, do vdes vetëm. Unë e kam përballuar tërmetin, por e vetmja gjë që mendoja ishte se nëse do vdisja, kush do më varroste. Nuk kam frikë nga tërmeti, por vetëm nga Zoti. Do ja dal, por si gjithmonë i vetëm”, tha 27-vjeçari.

Share With:



81 Views