14 vite pa babin, Lori dhe Sara Hoxha vijnë me dedikimet prekëse për Tanin e “Topit”

Në 23 maj Dritan Hoxha mbushi 14 vite që është ndarë nga jeta. Vajzat e tij e kanë kujtuar me anë të postimeve të tyre në rrjetin social Instagram.

Lori Hoxha ka zgjedhur foton e një fluture të cilën e ka postuar në Instastory. Mesa duket shpirti i të atit ka ardhur pranë saj i personifikuar si një flutur. Ky ka qenë një mesazh nga Lori për të thënë se pavarësisht të gjithave ajo e ndjen se babai është gjithmonë pranë saj.

Ndërsa Sara Hoxha e ka kujtuar të atin me videon më të ëmbël. Në videon e postuar në profilin e saj duket djali i Sarës i cili mban në prehër vëllain e tij.

“Këtë javë kemi menduar shumë për ty babi. Shpresoj ta dish se zemra ime është plot dhe do ta kishe dashur shumë familjen tënde”, ka shkruar Sara.

Kujtojmë se dhëndri i Dritanit, bashkëshorti i  Sarës e ka kujtuar atë në një prej intervistave të tij të fundit. Ledioni u shpreh se ai i mungon në forma nga më të ndryshmet.

“Për mua është pishman i madh, që tre fëmijët nuk do e njohin kurrë gjyshin e tyre”– u shpreh Ledioni ku dukej tejet i prekur.