9-vjeçarja kapet me kokainë në xhep teksa po hynte në burgun e Kukësit

Policia e Kukësit ka gjetur 50 gr kokainë në xhupin e një 9-vjeçareje e cila do ta fuste drogën tek babai në burg.

Sipas raportimeve lënda narkotike do të dërgohej tek i paraburgosuri me inicialet G.I.

“Gjatë veprimeve proceduriale të takimeve (kontrollit fizik) mes familjarëve dhe personave në konflikt me ligjin në IEVP Kukës, është kapur një sasi pluhuri i bardhë (rreth 50 gramë) i dyshuar si lëndë narkotike. Lënda u gjet brenda një tullumbaceje në xhupin e vajzës 9 vjeçare të të paraburgosurit G.I. Për veprime dhe hetime të mëtejshme është njoftuar SHKBB, Policia e Shtetit dhe Prokuroria.”-thuhet në njoftimin e Policisë së Burgjeve Kukës.