Nëna tenton të vrasë fëmijët në dëborë, e penduar se jetonte “në mëkat”

Një nënë në Rusi që zhveshi tre fëmijët e saj lakuriq dhe i detyroi të qëndronin në dëborë, ndërkohë që temperaturat shënonin -15 gradë celcius, po përballet me drejtësinë, raporton Daily Mail.

Natalia Vazina, 33 vjeç ishte zhveshur plotësisht në acar në një pyll afër Moskës së bashku me fëmijët e saj Grigory 10 vjeç, Lazar 2 vjeç dhe Marfa 11 muaj.

Familja u shpëtua pasi një burrë që po shëtiste qenin e tij në mbrëmje i pa dhe ngriti alarmin.

Vazina thuhet se ishte “fetare” dhe ishte e pakënaqur “duke jetuar në mëkat” pasi kishte lidhje me një burrë të martuar.

Të tre fëmijët kishin pësuar ngrirje dhe hipotermi serioze dhe do të kishin vdekur nga i ftohti nëse nuk do të ishin parë nga burri.

Gruaja gjithashtu është dërguar në spital pasi kishte pësuar ngrirje në shpinë, këmbë dhe duar.

Djali i saj 2 vjeçar ishte në gjendje kome mjekësorë, thonë raportet.

Një çështje penale është ngritur kundrës saj për vrasje në tentativë.

Avokatja e Popullit të Vladimir Putinit, Anna Kuznetsova shkoi për të parë familjen në spital.