Irini Qirjako i këndon zambakëve, surprizohet në studio nga e bija: Lulja që më frymëzon

Në studion e emisionit “Jeto me Orën” në RTV Ora ishte e ftuar artistja shumë e dashur për publikun Irini Qirjako. Ajo tregoi se ka pasion që t’i këndojë edhe luleve që ka mbjellë në shtëpinë e saj.

Irini Qirjako: “Unë kam një verandë dhe kam mbjellë portokall, limonë, lule, bredha, borzilokë, të gjitha. I dua shumë lulet. I këndoj luleve që kam në shtëpi. Kam një lule që lëshon një lule të verdhë dhe e kam marrë në vendlindje në Sarandë e i këndoj gjithmonë “Hodha një lule në ferrë.” Kam mbjellë dhe trëndafilin në shtëpi.”

Këngëtarja u surprizua në skenën e “Jeto me Orën” me një lule zambak e cila ishte porosi e veçantë nga lulja më e bukur e jetës së këngëtares, vajza e saj.

Irini Qirjako: “Kjo ishte surpriza më e bukur. Rivjola ime (vajza) më frymëzon për gjithçka, ajo është jeta ime, oksigjeni im, ajo është gjithçka për mua. Nuk ka gjë më të shtrenjtë dhe hyjnore se sa fëmija.”