Ndryshimet e vaginës pas lindjes së fëmijës, si të kujdeseni për shërimin e zonës vaginale

Është normale që perineumi (zona rreth anusit dhe vaginës) të jetë i fryrë, i mavijosur dhe i dhembshëm pas lindjes.  

Për disa gra, kjo dhimbje zgjat deri në 6 javë. Nëse keni qepje, mund të ndjeni edhe më shumë shqetësimin e dhimbjes, shkruan Pregnancy Info.ca përcjell Gazeta Shneta.

Shumica e grave dalin nga spitali me udhëzime se mund të përdorin paracetamol dhe/ose ibuprofen për dhimbje. Secila është e sigurt për t’u përdorur gjatë ushqyerjes me gji. Nëse dhimbja vazhdon, bisedoni me ofruesin tuaj të kujdesit shëndetësor.

Ju mund të gjeni lehtësim nga dhimbja dhe ënjtja vaginale duke ndjekur disa hapa të mëposhtëm: 

– Aplikoni kompresa akulli në zonën perineale për 24 orët e para. Këto kompresa të ftohta duhet të hiqen pas 10 deri në 20 minuta dhe të riaplikohen çdo orë sipas nevojës. (Kompresat e akullit duhet të mbështillen me një peshqir dhe të mos aplikohen drejtpërdrejt në lëkurë).

– Gratë mund të përdorin kompresa të ftohta, si një qese me akull ose perime të ngrira, ose një maxi-pad të ngrirë, të njomur me ujë ose pelenë për fëmijë për t’i vendosur në të brendshmet e tyre.

– Përdorni një shishe spërkatëse për të shpëlarë perineumin pas përdorimit të tualetit.

– Pushoni sa më shumë – lëreni perineumin të thahet në ajër ndërsa pushoni.

– Përdorni një jastëk të fryrë kur jeni ulur.

– Zhyteni zonën perineale në ujë të ngrohtë disa herë në ditë dhe pas jashtqitjeve.

– Merrni medikamente kundër dhimbjeve të rekomanduara nga ofruesi juaj i kujdesit shëndetësor.

Sa do të zgjasë gjakderdhja pas lindjes? 

Në ditët e para pas lindjes, do të keni gjakderdhje të rëndë dhe ka të ngjarë të kaloni disa mpiksje. Gjakderdhja do të ngadalësohet gjatë javës së parë në 10 ditë, pas së cilës duhet të keni vetëm sekrecione rozë ose kafe me ngjyrë të çelur. Në javën e 6-të, çdo gjakderdhje ose njollë duhet të ulet.