Meghan Fox në një rrëfim emocional: Po rris një fëmijë që vuan, është e vështirë si nënë
Megan Fox foli për djalin e saj Noah në një intervistë emocionale me “Glamour UK”, duke treguar për dashurinë për djalin e saj dhe vështirësitë me të cilat ai ende përballet për shkak të mënyrës se si zgjedh të vishet dhe të prezantohet.
Noah, i cili është 9 vjeç, “filloi të vishte fustane kur ishte rreth dy vjeç”, tha Fox, e cila ka qenë prej kohësh e hapur për mbështetjen e saj për zgjedhjet e modës Së djalit dhe shprehjen gjinore. Ajo tha se “bleu një sërë librash” mbi prindërimin dhe aleancën për të kuptuar më mirë fëmijën e saj. “Disa nga librat janë shkruar nga fëmijë transgjinorë. Disa nga librat kanë të bëjnë vetëm me faktin se si mund të jesh djalë dhe të veshësh një fustan; mund të shprehesh me veshjen tënde si të duash”, – shtoi ajo. “Dhe kjo nuk ka të bëjë me seksualitetin tuaj”.
Ajo gjithashtu ka bërë një përpjekje për t’i mbajtur fëmijët e saj larg rrjeteve sociale për t’i mbrojtur ata nga gjykimi i pashmangshëm i botës. “Që nga koha kur ishin shumë të vegjël, unë i kam përfshirë ato gjëra në jetën e tyre të përditshme në mënyrë që askush të mos ndihet i çuditshëm apo i ndryshëm”, -tha ajo. “Unë nuk mund ta kontrolloj mënyrën se si njerëzit e tjerë reagojnë ndaj fëmijëve të mi. Unë nuk mund t’i kontrolloj gjërat që u janë mësuar fëmijëve të tjerë, me të cilët ata shkojnë në shkollë dhe më pas ua përsërisin. Kjo është gjithashtu arsyeja pse unë nuk i nxjerr fëmijët e mi në Instagram apo media sociale”.
Megjithatë, ajo shtoi se pavarësisht përpjekjeve të saj më të mira, Noah është përballur me sfida. “Unë kam një fëmijë që vuan”, – tha ajo. “Kam shumë shqetësime për këtë, sepse do të doja që njerëzimi të mos ishte kështu”, -tha ajo. “Edhe pse fëmija im është kaq i guximshëm dhe unë e di që e ka zgjedhur këtë udhëtim për një arsye. Është thjesht e vështirë si nënë”.
Dashuria dhe krenaria e saj shkëlqeu në intervistë teksa ajo shpërtheu mbi talentin e djalit të saj, së bashku me shqetësimin e saj për mirëqenien e tij në një botë gjykuese. “Noah është një pianist i pabesueshëm. Ai mund të mësojë koncertin e Mozartit brenda një ore”, – tha ajo. “Dua që njerëzit ta shohin këtë, por gjithashtu nuk dua që bota të ketë akses në këtë shpirt të butë dhe të thotë të gjitha gjërat që ne të gjithë e dimë se do të thonë”.
Kjo nuk është hera e parë që Fox trajton zgjedhjet e veshjeve të Noah dhe shprehjen gjinore. Në një episod të The Talk në vitin 2019, nëna e tre fëmijëve tregoi se po përpiqej t’i mësonte djalit të saj më të madh – i cili është i fiksuar pas modës – të veshë çfarëdo që të dojë.
