Letra me dy fjali e Mbretit Charles për gjyshen që sot shitet 3 mijë paund

Tre mijë paund mund të shitet në ankand letra që Mbreti Charles shkroi 68 vjet më parë për gjyshen e tij.

Ajo ishte sëmurë dhe ai, 6 vjeç në atë kohë, i dërgoi një letër me dy fjali.

“E dashur gjyshe, më vjen keq që je sëmumë. Shpresoj të shërohesh shpejt”, shkruante.

Letrën e zbuloi një çift gjatë pushimeve në Krishtlindje pranë Stratford-upon-Avon, Warwickshire.

“Më në fund patëm kohë të shikonim një dosje të madhe që na kishte dhënë nëna ime”, tha shitësi i paidentifikuar, një menaxher ferme.

Mes gjithë gjërave gjetën edhe këtë letër.

Letra fillimisht i përkiste gjyshit të tyre të ndjerë, Roland Stockdale.

Shitësi beson se gjyshi i tij ndoshta ka punuar me disa anëtarë të familjes mbretërore dhe ka arritur t`i bjerë në dorë kjo letër.