U aludua se është në pritje të ëmbël! Samanta Karavella shton dyshimet, fotot e këngëtares që “konfirmuan” shtatëzaninë
Këngëtarja shqiptare, Samanta Karavella, e cila prej kohësh nuk ka qenë aktive në ekran, disa ditë më parë ngriti dyshimet se është në pritje të ëmbël.
Si një ndër personazhet që jetën private preferon ta mbaj larg syrit të medias, me një postim të bërë në “TikTok” ajo tërhoqi vëmendjen pasi shihet duke shijuar natyrën dhe në pah bie barku i saj rrumbullakosur.
Dyshimet u shtuan më shumë së fundmi kur këngëtarja postoi disa foto në Instagramin e saj ku shfaq vetëm pjesën e sipërme të trupit duke u munduar të shmang barkun.
Megjithatë ky mbetet tani për tani vetëm një aludim pasi nga ana e këngëtares nuk ka asnjë konfirmim për shtatëzani.
Vetë këngëtarja nuk ka deklaruar se është në një lidhje romantike, por Samanta u përfol vite më parë se i ka dhënë fund beqarisë dhe është fejuar. Partneri i saj i propozoi këngëtares më 29 dhjetor të vitit 2021 dhe artistja tha ‘po’
Siç u raportua atë kohë nga mediat rozë, djaloshi fatlum quhej Chris Miele dhe ka qenë ai që ka bërë të ditur lajmin për miqtë e tij, duke publikuar disa fotografi në profilin e “Instagram”-it.
Samanta disa kohë më parë deklaroi se në media çdo bashkëpunim i saji me artistët meshkuj është interpretuar si një lidhje dashurie.
Ajo u shpreh se të gjitha kanë qenë thjesht aludime, nxitur nga fakti se ajo është shumë e rezervuar për jetën private.
