Claire Danes flet për shtatzëninë e papritur në moshën 44-vjeçare: Mendoja se ishte e pamundur

Aktorja e njohur amerikane Claire Danes ka treguar se përjetoi një periudhë të vështirë emocionale pasi zbuloi se ishte shtatzënë me fëmijën e saj të tretë në moshën 44-vjeçare. Ajo ka rrëfyer se lajmi e gjeti të papërgatitur dhe i shkaktoi reagime të forta emocionale.

Në një intervistë për podcastin “Good Hang” të Amy Poehler, ylli i serialit “Homeland” deklaroi se shtatzënia ishte krejtësisht e paplanifikuar, veçanërisht duke pasur parasysh vështirësitë që kishte përjetuar më herët për të mbetur shtatzënë.

“Gjithçka ndodhi në mënyrë të papritur. Mendoja se ishte pothuajse e pamundur,” – u shpreh Danes.

Aktorja tregoi se fillimisht kishte dyshime për gjendjen e saj, të cilat më pas u konfirmuan nga testet mjekësore. Sipas saj, momenti i konfirmimit shoqërohej me emocione të forta dhe pasiguri.

Vajza e saj, e lindur në korrik të vitit 2023, quhet Shay. Danes theksoi se sot ndihet shumë e lumtur dhe mirënjohëse për këtë përvojë, duke e cilësuar vajzën e saj si një bekim.

Claire Danes është e martuar me aktorin britanik Hugh Dancy që prej vitit 2009. Çifti ka tre fëmijë dhe vazhdon të ruajë një profil relativisht privat në lidhje me jetën familjare.