Në familjen mbretërore të Anglisë po vjen një tjetër bebe

Princesha Eugenie, mbesa e Mbretëreshës së ndjerë Elizabeth II dhe vajza e Princit Andrew dhe Sarah Ferguson, ka njoftuar se është në pritje të fëmijës së saj të tretë me bashkëshortin Jack Brooksbank.

Lajmi u bë i ditur përmes një postimi në Instagram, ku princesha ndau një foto të ëmbël dhe një mesazh, duke zbuluar se bebi pritet të vijë në jetë gjatë verës 2026.

Çifti, i martuar që prej vitit 2018, janë prindër të dy djemve, August dhe Ernest.

Sipas mediave britanike, lajmi është pritur me shumë gëzim në rrethin mbretëror dhe nga fansat e familjes mbretërore, ndërsa Eugenie njihet për jetën e saj më të tërhequr nga vëmendja publike, duke ndarë vetëm momente të zgjedhura me ndjekësit.