Dikur i dërgoi ndihma humanitare, pas shumë vitesh martohen me njëri-tjetrin

Në vitin 2000, 7-vjeçari Tyrel Wolfe nga Idaho përgatiti një kuti me dhurata për një fëmijë që nuk e njihte, në kuadër të nismës Operation Christmas Child. Brenda Fvendosi edhe një fotografi të tij të veshur si kauboj.

Mijëra kilometra larg, në Filipine, kutia përfundoi në duart e 8-vjeçares Joana Marchan.

Ajo e ruajti fotografinë e Tyrelit për vite me radhë.Në vitin 2011, Joana vendosi të kërkonte në Facebook emrin që ishte shkruar pas fotos. Gjeti një Tyrel Wolfe nga Idaho dhe i dërgoi kërkesë miqësie.

Filluan të flisnin, të shkëmbenin foto dhe letra, derisa në vitin 2013 Tyrel udhëtoi drejt Filipineve për ta takuar për herë të parë.

Më pas ai u kthye përsëri, i kërkoi babait të Joanës lejen për t’u martuar me të dhe më 5 tetor 2014, plot 14 vite pasi një kuti e vogël i kishte lidhur për herë të parë, të dy u martuan në fermën e familjes së Tyrelit në Idaho.

Një djalë 7-vjeçar mendonte se po dërgonte vetëm një dhuratë për një fëmijë në anën tjetër të botës. Nuk mund ta dinte se brenda asaj kutie po niste edhe historia e tij e dashurisë.