Xhuli publikon pamje të rralla të babait të saj gjatë luftës kur ishte pjesë e UÇK-së

Ish-finalistja e “Big Brother VIP Kosova 1”, Juliana Nura, ka publikuar së fundmi një video të rrallë nga periudha e luftës në Kosovë, ku shfaqen disa pjesëtarë të Ushtrisë Çlirimtare të Kosovës, mes tyre edhe babai i saj.

Në pamjet e publikuara përmes InstaStory, Nura ka veçuar babanë e saj, i cili shihet në mesin e luftëtarëve të UÇK-së.

“Baba im, i treti burrë në rresht”, ka shkruar Xhuli në mbishkrimin e videos së rishpërndarë.

 Foto: Juliana Nura/InstaStory

Babai i Julianës, me prejardhje nga Drenica, ishte kthyer nga Finlanda në Kosovë gjatë periudhës së luftës, për t’iu bashkuar Ushtrisë Çlirimtare të Kosovës në luftën kundër forcave serbe.