Fiori Dardha: Lotët e mamit tim nuk ia fal askujt

Moderatorja e njohur e ‘BOOM’, Fiori Dardha është prej vitesh pjesë e ekranit shqiptar me emisionet investigative dhe më vonë eksperimentoi në një spektakël kërcimi.

Ajo ishte pjesë e kastit të këtij viti në Dance With Me, ku u largua pas një zënke në transmetim të drejtpërdrejtë me anëtarin e jurisë, Robert Aliaj.

E ftuar në ‘Why Not’ nga Roza Lati, Fiori ka rrëfyer arsyen e largimit duke thënë:

“Unë jam me parimin që krenarinë mund ta lësh mënjanë, ndërsa dinjitetin kurrë. Ndaj e mora atë vendim sepse më kanë pyetur shumë kolegë të tjerë, nuk ka ndodhur asgjë më shumë se sa keni parë në ekran Live. Nuk mundesha dot, ka disa gjëra që i kam më të shtrenjta se ekrani, e kisha të pamundur. Atë natë jam rikthyer pas një telefonate me një bashkëshortin tim, por jam kthyer edhe për të respektuar punën e balerinit që kishte punuar gjithë javën me mua, ishte lodhur shumë duke qenë se jam kërcimtare e tmerrshme.

E dija që e kishte me qejf atë kërcim, këngën e kisha zgjedhur vetë. Jam mësuar edhe me komentet dashakeqe në internet. E vetmja gjë që nuk u fal atyre personave që komentojnë pa i njohur, pa marrë parasysh që kemi familje janë vetëm lotët e mamit tim sepse ajo shpesh herë preket. Nuk ka qenë në gjendje të mirë shëndetësore kohët e fundit dhe lotët e mamit tim nuk ia fal askujt. Mbetem tek disa që i kam piketuar, nuk jam natyrë hakmarrëse por të paktën për disa minuta të vihen në vendin tim.”