Jenson Button do të bëhet baba, pret një fëmijë nga Brittny Ward

Jenson Button do të bëhet baba. Kampioni i F1 në 2009, 38 vjeç dhe e dashura e tij Brittny Ward, 28 do të bëhen prindër së shpejti.

Lajmin e bukur e ka dhënë vetë piloti anglez në një njoftim në Instagram, dhe të njëjtën gjë edhe modelja 10 vjet më e re se ai.
Për çiftin ky është fëmija i tyre i parë dhe do të lindë në verë, shkruajnë prindërit e ardhshëm.

Jenson dhe Brittny janë fejuar në mars të 2016, tre muaj pas fundit të martesës së pilotit me Jessica Michibata, me të cilën ishte martuar në dhjetor të 2014.