Babi Ermal hap rrugën! Joeli i vogël po ia merr dorën televizionit dhe është gati t’i zërë vendin
Djali i Ermal Mamaqit dhe Amarda Toskës duket se e ka zgjedhur të ardhmen e tij dhe nuk është larg gjurmëve të prindërve!
Joeli i vogël ka pasion kamerat dhe regjistrimet dhe këtë na e ka treguar edhe Ermali në një postim në Instagram.
“Duke xhiruar reklama me këtë regjisorin e ri të talentuar!”, shkruan moderatori.
Në pamjet e publikuara, Joeli shfaqet duke parë nga objektivi i kamerës, ndërkohë që babi i tij xhironte një reklamë për emisionin.
Dukshëm ai është më i rritur tani dhe ka një ngjashmëri të paparë me të atin:
“Kopja jote, fiks si shprehja: ‘Bëmë baba të të ngjaj”, shprehen ndjekësit e moderatorit kur shohin se sa shumë ngjason Joeli me Ermalin.
