Një vjehërr si Lirije Gjikolli
Mamatë, janë gjithnjë krenare për arritjet dhe sukseset e fëmijëve, por duket se e ëma e Gjikos dhe Arbërit është jo vetëm mbështetësja më e madhe e djemve të saj, por edhe e grave të tyre. Në profilin e saj në Instagram, mund të gjenden më shumë foto me Elita Rudin dhe Blerina Bokshin sesa me djemtë.
Elita Rudi është më e njohur për publikun, për shkak të angazhimit në televizion si moderatore, ndërsa Blerina Bokshi, gruaja e Arbërit, është drejtuese e marketingut dhe PR në kompaninë e tij muzikore.
Mamaja e tre djemve, Lirije Gjikolli është më e lumtur se kurrë me “nuset e familjes” dhe nuk ngurron ta shprehë këtë edhe nëpërmjet postimeve në rrjete sociale. Ajo poston shpesh jo vetëm foto me to, por edhe foto ku shfaqet vetëm njëra ose tjetra:
Edhe urimet e ditëlindjes janë shumë të përzemërta
“Sot nusja jonë e bukur feston ditëlindjen. I urojmë të gjitha të mirat në jetë duke i thënë që e duam shumë shumë.”
Lirije Gjikolli është nëna e 3 djemve, mes tyre dhe Ardit Gjikolli, djali më i vogël i familjes, jo shumë i njohur për publikun, i cili me siguri është single, përderisa nuk ka ende një foto të një vajze, postuar nga mamaja e tij.
