Duket se po e merr veten, pasi humbi fëmijën Chrissy Teigen shfaqet për herë të parë në publik

Modelja e famshme, Chrissy Teigen, është parë për herë të parë në publik me bashkëshortin, John Legend, që kur humbi foshnjën e saj në mënyrë tragjike gjatë shtatzënisë.

Pak ditë më parë, 34-vjeçarja zbuloi përmes disa fotove të dhimbshme në “Instagram”, lajmin e hidhur se djali i saj Jack nuk mund të vinte në jetë. “Jemi të tronditur”, shkruante ajo më 30 shtator në postimin e saj.

Deri tani, ajo nuk ka bërë postime në rrjetet sociale si dhe nuk ishte shfaqur në publik. Por të enjten, çifti i famshëm u fotografua në parkingun e një dyqani ushqimesh në Bristol Farmws.

Chrissy u shfaq e veshur me një fustan të gjatë ngjyrë portokalli, si dhe mbante syze dielli dhe një maskë të zezë në fytyrë.

Ndërkohë, muzikanti 41-vjeçar kishte veshur një këmishë me vija shumëngjyrëshe, xhinse blu të errëta dhe një maskë të zezë për fytyrën.