Aktorja e famshme sapo u bë nënë për herë të dytë!

Ylli i “High School Musical”, Ashley Tisdale, ka sjellë në jetë fëmijën e dytë! Ajo dhe bashkëshorti, Christopher French, janë bërë përindër të një vajze. Lajmin e bukur e ka ndarë Tisdale në Instagram, ku publikoi një foto në të cilën shfaqeshin duart e saj, të bashkëshortit dhe të vajzës së porsalindur.

“Emerson Clover French, të tre jemi të fiksuar me ty. Ajo lindi më 9.6.2024”, shkroi Tisdale në foton bardhë e zi.

Çifti janë gjithashtu prindër të Jupiter, e cila ka lindur në mars të vitit 2021. Tisdale, 39 vjeç dhe French, 42 vjeç, nisën të dilnin në vitin 2012. Në vitin 2014, ata kurorëzuan dashurinë e tyre në një ceremoni të zhvilluar në Santa Barbara, Kaliforni.