Alessandra Ambrosio: Që 12 vjeçe e dija që do bëhesha modele!

Alessandra Ambrosio po shijon pushimet me familjen në Ibiza të Spanjës. Ajo ka dhënë edhe një intervistë për revistën e njohur “Vogue” teksa ka folur për fillimet e karrierës në fushën e modelingut dhe ka ndarë detaje të tjera nga jeta e saj private.

Gjatë intervistës, ajo ka shpjeguar e dinte që në moshë të re se çfarë donte të bënte dhe mori mësime se si të modelonte kur ishte në moshën 12-vjeçare. Ndërsa kur ishte vetëm 20 vjeçe ajo punoi për “Victoria’s Secret”.

Me kalimin e kohës pasionin për modën 42-vjeçarja e shprehu edhe përmes kompanisë Gal Floripa të cilën e themeloi në vitin 2019  së bashku me motrën e saj, Aline dhe një shoqe të përbashkët të  tyre.

Ndër të tjera ajo ka theksuar se ka mundur të gjejë balancën mes profesionit dhe jetës private falë edhe ndihmës së familjareve.