Anila, gruaja besimtare e Gjebreas që solli ndryshimin tek “Kënga Magjike”

“Të tërhiqesh është shumë kollaj, por unë vendosa të vë në dispozicion atë që unë kam: Kengën Magjike”. Kështu tregon Gjebrea se si këtë vit zgjodhi që festivali më i rëndësishëm i muzikës shqiptare të kontribuojë për ndërtinin e shtëpisë të familjes së Endritit në Thumanë brenda gjashtë muajve.

Në programin e sotëm ai ka rrëfyer se kush ka qenë në thelb të kësaj ideje: bashkëshortja e tij Anila. Në një nga rrëfimet e tij të rralla për detajet e jetës familjare Gjebrea ka treguar se si ka qenë Anila ajo që duke qenë besimtare ka pasur idenë që Kënga Magjike të ketë misionin bamirës #këndopërtëndërtuar. Ai e ka quajtur Anilën bekimin e jetës së atij që i ka kthyer dhe atij besimin në Zot.