Bashkëshortja e Valverde konfirmon shtatzëninë, por paska kaluar makthin e tmerrshëm
Mina Bonino, bashkëshortja e lojtarit të Real Madridit, Federico Valverde, ka konfirmuar shtatzëninë dhe ka treguar ankthin që ka kaluar javët e fundit. Këtë e ka bërë përmes llogarisë së saj në Twitter, ku ka shpjeguar ankthin që kanë kaluar javët e fundit, edhe pse më në fund shtatzënia është në rrugën e duhur.
“Së fundi doli një lajm se kisha humbur një shtatzëni. Nuk mund ta mohoja, sepse ishte ajo që ne besuam se do të ndodhte. Situata ishte e papajtueshme me jetën. Ne u përgatitëm për një muaj për më të keqen.
Pasi shtatzënia ishte shumë e avancuar duhej ta konfirmonim me testin, – shpjegoi ajo në tweet-in e parë. – Pasi qava për një muaj të tërë, ndërsa kisha fëmijën e dytë në bark, dje na erdhi lajmi më pak i pritur: foshnja është mirë. Gjithçka është normale”.
Hace poco salió una noticia que había perdido un embarazo. No fui capaz de desmentirlo, porque era lo que creíamos que sucedería. Era incompatible con la vida. Nos preparamos durante un mes para lo peor. Cómo el embarazo estaba muy avanzado teníamos que confirmarlo con la prueba: https://t.co/6Gwl9pz7l8
— Mina Bonino (@Minabonino) February 11, 2023
Një lajm që shpjegon festimin e Valverdes për dy golat që ka shënuar në finalen e Botërorit për Klube, duke bërë gjestin e biberonit. Disa muaj më parë, Carlo Ancelotti pranoi se kishte vënë një bast me Valverden për të motivuar uruguajanin të shënonte më shumë gola.
Trajneri italian tha: “I thashë që nëse nuk do të ishte në gjendje të shënonte të paktën 10 gola në një sezon, ai do të duhej të griste kartonin e licensës time të trajnerit”. Të shtunën, uruguajani e ‘shpëtoi’ licensën e teknikut.
Valverde arriti të shënonte dy gola në finalen e Kupës së Botës për Klube kundër Al Hilal dhe tejkaloi shumën e bastit të vënë me trajnerin e tij. Në 33 ndeshje, uruguajani ka arritur tashmë shifrën e 11 golave.
