Brooklyn Beckham shpjegon pse mori mbiemrin e gruas së tij

Brooklyn Beckham dhe Nicola Peltz u martuan në një ceremoni luksoze në Palm Beach në fillim të këtij viti dhe vendosën t’i marrin mbiemrat e njëri-tjetrit.

23-vjeçari ka zbuluar se ai dhe Nicola menduan se mbiemrat e tyre përshtateshin shumë mirë së bashku.

Në një intervistë të fundit Brooklyn shpjegon : “Unë thjesht mendova se do të  ishte ndryshe. Jo shumë  burra marrin mbiemrat e grave të tyre. Pra, unë isha thashë ‘Pse jo?’ Ata përshtaten shumë mirë së bashku”.

Brooklyn ndau gjithashtu disa këshilla që prindërit e tij i dhanë për marrëdhënien e tij me Nicola.

“Thjesht duajeni njëri-tjetrin, dhe mos u shqetësoni për asgjë, vazhdoni të punoni dhe thjesht përpiquni të argëtoheni”, tha ai për këshillat e Victoria dhe David.

Kohët e fundit mediat e huaja folën për një marrëdhënie të tensionuar mes Nicola dhe Victoria, por Brooklyn i mohoi të gjitha thashethemet.