Burgoset 15 vjeçarja pasi abortoi fëmijën e vëllait

Një vajzë adoleshente, e dhunuar tetë herë nga vëllai i saj më i madh është burgosur sepse ajo kishte kryer një abort.

15-vjeçarja u dënua me gjashtë muaj burg pas sulmit të sëmurë nga vëllai i saj 17-vjeçar.

Vajza u detyrua të abortonte kur ishte gjashtë muaj shtatzënë, pasi u dhunua tetë herë nga vëllai i saj shtatorin e kaluar, tha një zyrtar i gjykatës në Indonezi.

Dyshja u arrestua kur policia gjeti një fetus mashkull në një plantacion të vajit të palmës pranë fshatit Pulau në provincën Jambi, njofton Sky News.

Vëllai i saj u burgos për dy vjet për sulme seksuale me një të  mitur.

Aborti është i ndaluar, përveç rasteve kur  jeta e një gruaje është në rrezik apo në rrethana të caktuara nëse ajo dhunohet, sipas ligjit indonezian.

Ai duhet të kryhet nga një profesionist i regjistruar jo më vonë se gjashtë javë të shtatzanisë.

Ligji po ashtu thotë se gruaja duhet t’i nënshtrohet këshillimit.

Pretendohet se vajza ishte ndihmuar nga mamaja e saj, e cila po përballet me akuza më vete.

Kuptohet që prokurorët po shqyrtojnë një ankesë kundër dënimit.

Ata fillimisht kishin kërkuar që viktima të burgoset për një vit dhe vëllai i saj për shtatë vjet.

Ligjet e Indonezisë për abortin janë kritikuar gjerësisht nga autoritetet shëndetësore globale dhe grupet e të drejtave të grave.

Ata argumentojnë se kufizojnë të drejtat e grave dhe nënkuptojnë se shumë prej tyre janë të detyruar të kenë aborte të rrezikshme në klinikat ilegale.

Një raport i Organizatës Botërore të Shëndetësisë 2013 thotë se abortet përbëjnë rreth 30 deri 50 përqind të vdekjeve të nënave në vend.