Calvin Harris ndan eksperiencën e lindjes së shtëpi dhe ruajtjen e placentës për ta pirë si pilulë
DJ Calvin Harris ka ndarë fansat me një postim ku njofton lindjen e djalit të tij. (LEXO KETU)
DJ-i skocez, i cili është i martuar me prezantuesen e Radio 1, Vick Hope, ka lavdëruar bashkëshorten e tij “superhero” në Instagram përmes një serie fotosh të realizuara në Ibiza, që tregojnë momentet pas lindjes së djalit të tyre, Micah, në shtëpi.
Ai gjithashtu publikoi një foto të placentës së Vick-ut, së bashku me imazhe që duket se tregojnë procesin e tharjes së saj dhe kthimit në pilula.
Ndërsa shumë njerëz u ngutën të urojnë çiftin, të tjerë u ndjenë të habitur nga fotografia grafike – e cila tani është vendosur nën kufizim moshe nga platforma sociale.
Calvin u tregoi 11 milionë ndjekësve të tij se djali i tij ka lindur më 20 korrik – duke shtuar se ishte “shumë mirënjohës” për ardhjen e re në jetë.
Këngëtari Example dhe futbollisti i kombëtares së Skocisë, Andy Robertson, ishin mes të famshmëve që uruan çiftin, së bashku me prezantuesen e Radio 1, Arielle Free, e cila shkroi: “Mirë se erdhe në botë, Micah i vogël”.
Këngëtarja Becky Hill ishte ndër ata që përgëzuan vendimin për të ndarë fotografitë e placentës.
“Është e mahnitshme që ne krijojmë një organ të ri për të dhënë jetë!” shkroi ajo.
“Bravo që nuk e keni hedhur poshtë, kjo është magji hyjnore e vërtetë!”
Të tjerë gjithashtu përgëzuan postimin për “normalizimin” e pasojave të lindjes.
Por disa e vunë në dyshim nëse ishte e nevojshme përfshirja e fotos pa paralajmërim, ndërsa të tjerë u shprehën të habitur.
“Nuk isha GATI për foton e placentës,” shkroi një person, dhe një tjetër u përgjigj: “Placenta dhe pilulat e placentës nuk ishin në listën time për sot, por okej.”
View this post on Instagram
Çfarë është placenta?
Placenta është një organ që krijohet në mitër gjatë shtatzënisë dhe i siguron fetusit oksigjen dhe lëndë ushqyese.
Ajo gjithashtu vepron si filtër për ta mbrojtur nga toksinat dhe ndotësit.
Disa persona pretendojnë se ngrënia e placentës pas lindjes sjell përfitime shëndetësore për nënën e re.
Për përgatitjen e saj përdoren metoda të ndryshme, përfshirë konsumimin e saj të papërpunuar apo të gatuar.
Disa prindër zgjedhin ta thajnë placentën dhe ta kthejnë në pilula nëpërmjet një procesi të quajtur inkapsulim.
Megjithatë, një përmbledhje e 10 studimeve shkencore të realizuar në vitin 2015 nuk gjeti prova që të mbështesin pretendimin se ngrënia e placentës ka përfitime shëndetësore.
Organizata si Qendra për Kontrollin dhe Parandalimin e Sëmundjeve në SHBA (CDC) kanë paralajmëruar për rreziqet e kontaminimit nëse placenta nuk ruhet dhe përgatitet siç duhet.
