Çfarë fshihet pas videos së North në TikTok të cilën Kim e fshiu me shpejtësi?

Videot e North West vajzës së Kim Kardashian dhe Kanye West në TikTok kanë tërhequr jo pak vëmendje, duke grumbulluar edhe shumë pëlqime në këtë platformë.

Nga rutina e mëngjesit, video me mamanë e saj të famshme apo edhe shumë video të tjera paksa të çuditshme, North çfarë nuk ka treguar gjatë kësaj kohen në TikTok.

Së fundmi një faqe në Instagram e cila demaskon vipat e huaj ka publikuar një video sipas tyre të fshirë nga vajza e Kim në TikTok, ku duken disa qenusha të vegjël.

“Kohë Krishtlindjesh për qenushat,”- shkruhet sipër videos në fjalë.

Ndërsa faqja që e ka shpërndarë ka hedhur disa akuza të forta mbi yllin televiziv ku shprehet se kjo video është fshirë nga TikTok-u i North sepse Kim nuk do që të tjerët të shohin se ajo i mban qentë e saj në garazh.

Është ë dhimbshme shkruan më tej faqja që Kim ka kaq shumë prona dhe i mban qenushat aty.

Deri më tani nuk ka ndonjë reagim nga ana e pronares së “Skims”.

Më herët kujtojmë që Kim Kardashian ka marrë një urdhër ndalimi ndaj një fansi të saj.

Urdhri pesëvjeçar i mbrojtjes kundër burrit në fjalë, Andre Persaud, u dha në Los Angeles. Persaud-it i ndalohet të kontaktojë me Kardashian dhe të vijë në një distancë prej 100 metrash prej saj. Si pjesë e urdhrit, atij i ndalohet edhe posedimi i armëve të zjarrit dhe duhet të dorëzojë ato që ka tashmë.