Djali i saj përgjaku Vjenën, flet nëna e dëshpëruar e Kujtim Fejzullait: Ku gabova me të?

Kujtim Fejzullai, është 20-vjeçari me “rrënjë shqiptare” që kreu me gjakftohtësi sulmin terrorist në Vjenë dhe vrau njerëz të pafajshëm para se të neutralizohej nga policia. Media austriake vendosi të jetonte vetëm, pa prindërit e tij më 1 maj, 2020. Ai jetonte në një apartament prej 42 metrash katrorë, dhe fqinjët thonë se nuk janë ankuar kurrë për të. Ata shprehen se zhurmë dëgjuan vetëm atë ditë, kur policia erdhi bastisi shtëpinë.

Një fqinj thotë:

Rreth 1.20 të mëngjesit, ne u zgjuam nga një ndërhyrje e dhunshme. Të gjitha dritat në ndërtesën tonë u ndezën në të njëjtën kohë.
Por cila është historia e Kujtim Fejzullai? Lindur në Austri, ai u rrit në Mödling dhe ishte i talentuar si një futbollist. Ai vijoi shkollën e mesme teknike Ottakring, të cilën më vonë e la. Në vend të shkollimit, ai zgjodhi predikuesit radikalë. Në shtator 2018, Kujtimi fluturoi nga aeroporti i Vjenës drejt Stambollit dhe më tej në Hatay. Por djali i një kopshtari dhe një amvise nuk arriti në Siri. Adoleshenti u arrestua dhe u kthye në Austri. Nëna denoncoi me dëshpërim djalin e saj.

Avokati Nikolaus Rast kujton detajet:

Unë kurrë nuk do të përfaqësoja një fanatik fetar. Unë e pranova atë vetëm sepse nëna e tij, një grua plotësisht perëndimore, u ul duke qarë me mua dhe më pyeti: ku gabova?