“Dua të iki nga SHBA”, vazja transgjinore e Musk njofton largimin pas fitores së Trump

Vajza transgjinore e Elon Musk , Vivian Jenna Wilson, deklaroi se donte të largohej nga vendi pas fitores së Donald Trump në zgjedhjet presidenciale.

“E kam menduar këtë me kohë, por dje ma konfirmoi. Nuk e shoh të ardhmen time në Shtetet e Bashkuara. Edhe nëse do të qëndrojë në detyrë vetëm për 4 vjet, edhe nëse rregulloret antitrans nuk zbatohen me magji, njerëzit që e votuan vullnetarisht nuk do të shkojnë askund së shpejti”, shkroi Wilson në Threads të mërkurën pas fitores së Trump.

Manjati anti-trans Trump ka folur vazhdimisht kundër njerëzve trans, duke njoftuar se, pasi të bëhej president, do të vendoste kufizime në terapitë hormonale. Si edhe do të ndalonte pjesëmarrjen e grave transgjinore në garat me ekipet sportive të grave, duke e bërë të detyrueshme aksesin në ekipe në përputhje me gjininë e tyre të lindjes.

Elon Musk mbështeti fuqishëm Trump edhe financiarisht.

Në vitin 2022, Vivian paraqiti një kërkesë në shtetin e Kalifornisë për të ndryshuar gjininë, si dhe mbiemrin e saj, duke deklaruar në gjykatë se shpresonte që do të shkëpuste çdo lidhje mes saj dhe babait të saj biologjik.

Tani, ajo dëshiron të ndërpresë lidhjet me SHBA-në pas rizgjedhjes së Trump. Babai i saj ishte një mbështetës i hapur i fushatës së suksesshme të Presidentit të zgjedhur.

Wilson, e cila është një nga gjashtë fëmijët që Musk ka me gruan e tij të parë, më parë akuzoi babanë e saj të famshëm se ishte një prind i munguar që nuk e pranonte tranzicionin e saj.

Musk fajësoi “neo-marksistët” në shkollat ​​dhe universitetet private elitare për marrëdhënien e tij të larguar me vajzën e tij.

Në një bisedë me biografin Walter Isaacson, Musk pohoi se Shkolla chi-chi Crossroads për Arte dhe Shkenca në Santa Monica  e infektoi Wilson me “virusin e mendjes së zgjuar”.