“Duket se janë tre” fansat kapin detaje në videon festive të Luizit dhe Kiarës

Pas aludimeve se janë në pritje të një fëmije, çifti i shumëpërfolur Kiara Tito dhe Luzi Ejlli, kanë mahnitur fansat dhe ndjekësit e tyre me një album fotografik magjik.

Ndonëse jemi ende në muajin nëntor, mesa duket ata po presin me padurim festat e fundvitit, pasi kanë zgjedhur ta bëjnë kartonin e Krishtlindjeve që tani.

Të veshur si në të bardha dhe të rrethuar nga dekori i festave, ata mahnitën të gjithë me fotot e tyre.

Ajo që gjithashtu ngre dyshime për një shtatzëni të mundshme të moderatores është veshja e saj e gjerë, e cila duket se është posaçërisht për të shmangur pamjen e barkut.

Por asgjë nuk u shpëton fansave, të cilët kanë nisur të shkruajnë komente si “Më duket se jeni tre”, “Duket se janë tre”, etj.

Kujtojmë se dyshja u njohën dhe u dashuruan brenda “BBV”, ndërsa u martuan në natën e fundit të këtij reality show, dhe vazhduan romancën e tyre edhe pas largimit nga spektakli.