E bullizuar për pamjen në adoleshencë, sot është fytyra më e bukur në botë

Aktorja Anya Taylor – Joy ka fytyrën më të bukur në botë, të paktën sipas një studimi të fundit.

Kirurgu britanik Dr. Julian De Silva, kombinoi një program modern të hartës së fytyrës me formulën matematikore të lashtë për të përcaktuar rezultatet e bukurisë. Taylor-Joy rezultoi me 94.46%.

Ylli i “Queen’s Gambit” dhe “Peaky Blinders” la pas në garën e bukurisë Zendaya-n dhe Margot Robbie.

Sot, 28-vjeç është gruaja më e bukur në botë, por adoleshenca nuk ka qenë e lehtë për të. Ajo ka treguar njëherë për bullizmin që ka përjetuar dhe se e ka kaluar fazën e vështirë vetëm falë nënës së saj.

“Kam qenë shumë, shumë me fat me prindërit e mi, sepse kur më ngacmonin për shkak të dukjes sime, nëna ime gjithmonë më thoshte se duhet të shikosh në brendësinë e dikujt. Më thoshte mos shiko çfarë nuk është në rregull me fytyrën, por shiko çfarë zemre ka. Unë duhet t’i jap meritë nënës sime për këtë, sepse me të vërtetë më ndihmoi”, rrëfeu aktorja.