E mitura qan me denesë nga dhimbjet, dalin video të tjera nga dhoma e fjetjes, mungon hapësira filmike kur mund të jetë lënduar këmba e 3-vjeçares

Video të reja janë publikuar nga ambientet e kopshtit ku u dhunuar 3-vjeçarja e cila përfundoi me këmbë të thyer në spital.

Në materialin filmik të publikuar mbrëmjen e sotme nga ‘Stop’, në fakt mungojnë 3 orë, ku ndër to mund të jetë edhe momenti kur e mitura ka lënduar këmbën.

“Mund të ketë ndodhur që këmba e fëmijës nuk është thyer nga një dhunë fizike. Mungon ajo hapësira filmike”, thotë një nga moderatorët.

“Ndiqeni pak fëmijën që qan. A mund të ndodhë fëmija në gjumë të thyejë këmbën e tij?”, vijon ai.

ORA 12:19 – Fëmijët përgatiten për të fjetur

ORA 12:21 – Vajza vendoset për të fjetur

ORA 15:04 – Vajza qan nga dhimbjet