E vërteta rreth rrahjeve të shpejta të zemrës gjatë ushtrimeve në shtatzëni

Në të kaluarën, rekomandohej që gratë shtatzëna të mbanin rrahjet e zemrës nën 140 rrahje në minutë, por ato udhëzime strikte që atëherë janë eliminuar.

Ekspertët tani thonë se nuk keni nevojë t’i përmbaheni ndonjë kufiri specifik të rrahjeve të zemrës gjatë ushtrimeve në shtatzëni, shkruan burimi The Bump përcjell Gazeta Shneta.

Në vend që të përqendroheni në numër apo në një monitor të rrahjeve të zemrës, njihni shenjat që duhet të kërkoni në trupin tuaj.

Kolegji Amerikan i Obstetërve dhe Gjinokologëve (ACOG), rekomandon që gratë shtatzëna të bëjnë të paktën 150 minuta aktivitet aerobik të moderuar çdo javë.

Çfarë konsiderohet një stërvitje e moderuar?

Rrahjet e zemrës suaj janë rritur – pa kufi maksimal – dhe ju keni filluar të djersiteni, por prapë mund të flisni normalisht. Si një nënë e ardhshme, nuk duhet të ushtroheni kurrë aq fort sa të mos keni frymë ose të mos arrini të përfundoni një fjali.

Duke e shtyrë veten shumë fort, mund të rrisni temperaturën e trupit tuaj, gjë që mund të çojë në defekte të lindjes.

Gjithashtu mund të çojë në dehidrim, i cili mund t’ju vërë në rrezik për lindje të parakohshme.

Nëse jeni jashtëzakonisht të etur, të lodhur, keni dhimbje koke, jeni të trullosur ose keni urinim me ngjyrë të errët, ka shumë mundësi që të jeni të dehidratuar. (Mos harroni se gratë shtatzëna zakonisht kanë nevojë për 8 deri në 12 gota ujë në ditë, dhe më shumë nëse jeni duke ushtruar.)

Sipas ACOG, nëse shihni ndonjë nga shenjat paralajmëruese të mëposhtme, ndaloni menjëherë ushtrimin dhe kontaktoni ofruesin tuaj të kujdesit shëndetësor:

– Gjakderdhje nga vagina.

– Ndjenjë të trullosur ose të fikët.

– Mungesa e frymëmarrjes para fillimit të stërvitjes.

– Dhimbje gjoksi.

– Dhimbje koke.

– Dhimbje ose ënjtje të këmbëve.

– Kontraksione të rregullta dhe të dhimbshme të mitrës.

Për pyetje dhe shqetësime specifike, kontaktoni mjekun tuaj. Dhe mos harroni të merrni dritën e tyre jeshile përpara se të filloni ndonjë stërvitje të re për shtatzëninë.