Ed Sheeran surprizon me një pako në derën e shtëpisë fansin 5-vjeçar

Alexandra Lamoreaux, nga Utah ka ndarë historinë e djalit të saj 5-vjeçar Ren dhe fiksimin që ai ka me Ed Sheeran.

Djali i vogël donte një festë me temën ‘Ed Sheeran’ për të festuar ditëlindjen. Torta dhe çdo detaj tjetër do të kishte lidhje me Ed.

Alexandra krijoi disa ftesa në stilin e biletave të koncertit me një fotografi të Ed Sheeran duke performuar live.

Shumë ndjekës nxituan ta etiketojnë këngëtarin dhe kështu Ed mësoi mbi dëshirën e vogëlushit.

Dhe pak ditë më vonë,. në derën e shtëpisë së Ren arriti një pako.

“Për Ren, nga Ed”.

Djali i ditëlindjes kishte marrë një dhuratë surprizë dërguar nga vetë Ed Sheeran.

Dhurata përfshinte një bluzë, një CD me autograf, një lodër, një mikrofon dhe kitarë. ‘Ren, më fal që nuk erdha dot në festën tënde të ditëlindjes, shpresoj të kesh kaluar bukur. Këtu ke një bllok shënimesh, mikrofon dhe kitarë që të mund të fillosh të shkruash këngë si unë’, shkruante në letrën e Ed për Ren.

A ka më bukur?