Emocionuese, gjyshja bën tatuazh të njëjtë me mbesën në ditëlindjen e saj të 90-të

Një vajzë nga Miçigani dhe gjyshja e saj bënë të njëjtin tatuazh për ditëlindjen e saj të 90-të.

Christina dhe gjyshja e saj zgjodhën të realizonin një tatuazh që pasqyron një engjëll duke fjetur.

Të dyja dukeshin të emocionuara nga rezultatet, ndërsa gjyshja buzëqeshte teksa realizuan foton.

“Unë dhe gjyshja ime bëmë tatuazhe të njëjta për ditëlindjen e saj të 90-të”, ka shkruar Christina në video, duke shtuar mbishkrimin: “Gëzuar 90-vjetorin, gjyshe”.

Në videon e postuar nga Christina shihet gjyshja e ulur në një karrige dhe e pashqetësuar nga dhimbja i buzëqesh bashkëshortit të saj.

Që kur Christina e postoi videon ato kanë marrë shumë komente pozitive të mbushura me dashuri.