Foshnja mbetet e mbyllur në shtëpi te “Fresku”, zjarrfikësit heronj e nxjerrin në krah shëndoshë e mirë

Një foshnjë 6-muajshe është shpëtuar mrekullisht nga zjarrfikësit e Tiranës.

Foshnja kishte mbetur e mbyllur brenda apartamentit në një pallat mëngjesin e sotëm në zonën e “Freskut” në Tiranë.

Pamjet janë publikuar në Facebook nga drejtori i zjarrfikësve Tiranë, Shkëlqim Goxhaj.

Mësohet se nënës i ishte mbyllur dera dhe kishte ngelur jashtë, ndërsa fëmija brenda.

Në pamundësi për të hyrë në shtëpi, nëna ka lajmëruar forcat zjarrfikësve.

Me ndërhyrjen e këtyre të fundit foshnja është nxjerrë jashtë me shkallë shëndoshë e mirë.