Hallën e Eneda Tarifës do e kesh takuar edhe ti të paktën një herë në jetë
Tetori njihet në mbarë botën si muaji i ndërgjegjësimit për luftën kundër kancerit të gjirit. Personazhe të njohur në vend kanë dhënë mesazhe të shumta gjatë këtyre javëve, që çdo grua dhe vajzë të kryejë një mamografi, sepse vetëm në këtë mënyrë mund të parandalohet në kohë kanceri që prek më tepër gjininë femërore. Ditën e sotme është mbajtur edhe një forum për ndërgjegjësim, në të cilin nuk kanë munguar të ftuar nga fusha të ndryshme, mjekë dhe njerëz nga bota e artit. Eneda Tarifa ka qenë një nga të ftuarat speciale, e cila ka dhuruar edhe një performancë për të përçuar një mesazh për të prekurat nga kanceri i gjirit. Me këtë rast Eneda i ka prezantuar të gjithë edhe me hallën e saj, Dhurata Tarifën, e cila është mjeke në shërbimin e onkologjisë. Ajo ka treguar se ndihet krenare për hallën e saj, që është shumë e njohur në këtë fushë, e që i qetëson njerëzit edhe me fjalët e saj të ngrohta. Të gjithë ndjekësit e Enedës kanë shprehur respektin për personin e saj të afërt, duke treguar se është një mjeke e mrekullueshme.
