Humbi djalin 2 vjeç, nëna rrëfen mes lotësh: Babai i tij nuk erdhi në var rim

36-vjeçarja nga Librazhdi, Violeta Hysa, ka rrëfyer këtë të hënë historinë e saj të trishtë në studion e emisionit ‘Historia ime’. Violeta ishte martuar me shkuesi në moshën 18 vjeçare, kishte lindur tre fëmijë me të shoqin dhe më pas ishte ndarë nga ai për shkak të dhunës fizike dhe psikologjikë që ai ushtronte ndaj tyre.

Më pas,  mes shumë vështirësive, Violeta kishte arritur të niste jetën nga e para duke u njohur me një person të ri, e të niste bashkëjetesën me të.  Fatkeqësisht historia mori një rrjedhë tragjike, kur në shtëpinë e tyre ra zjarr që i mori jetën djalit të saj. 36-vjeçarja ka treguar se ish-bashkëshorti nuk ishte paraqitur në varrimin e të birit.

Violeta Hysa: Më ndihmoi një zonjë, fillova të punoja banakiere në një lokal deri në Shtator 2008. Atë ditë kur po kthehesha për të shkuar në shtëpi, ndodhi dhe fatkeqësia që u dogj shtëpia.

Mirela Milori: Ti ndërkohë jetoje vetëm apo ishe njohur me dikë?

Violeta Hysa:  Isha njohur me dikë.

Mirela Milori: Pra fillove bashkëjetesën?

Violeta Hysa: Po fillova bashkëjetesën.

Mirela Milori: Çfarë ndodhi atë ditë?

Violeta Hysa: Atë ditë kur shkova tek shtëpia, mora gocat dhe dola jashtë për momentin se djali ishte në gjumë. Ishte ora 5 pasdite, i mora gocat thashtë të blija bukë dhe gjëra, të bëja darkën. Kur pashë njerëzit që po vraponin, hyra brenda, por kishte marrë shtëpia flakë nga korrenti, nuk ishin instalimet e mira. Ka qenë një prizë afër krevatit dhe kishte marrë flakë. Hyra, por se nxorra dot jashtë djalin, e kishte mbytur tymi. Arritëm e çuan në spital. Mua më ra të fikët për momentin, e kishin marrë komshinjtë e çuan në spital. Pas një ore arrita në spital, por prapë nuk arriti asgjë.

Mirela Milori: Sa vjeç ishte djali?

Violeta Hysa: 2 vjeç e dy muaj. Më ka ardhur familja ime që e ka marrë, i kemi bërë ceremoninë në fshat tek familja ime, me mundësitë e atyre, se unë isha në gjendje depresive. Babai im lajmëroi dhe familjen e ish- bashkëshortit po asnjë nuk u interesua, nuk erdhi.

Mirela Milori: Po ish-bashkëshorti, babai i djalit erdhi?

Violeta Hysa: Jo asnjë nuk erdhi!

Më tej, Violeta tregon se kaloi në depresion për shkak të djalit, por fakti që ngeli sërish shtatzënë dhe lindi djalin me bashkëjetuesin, e përmirësoi gjendjen e saj. Por familja e tij nuk e donte dhe kërkoi ndarjen e tyre.

Violeta Hysa: Në 2011 ishte djali pak sëmurë dhe lajmëroi ai nënën e vet dhe kur erdhi ajo tek spitali kishte reagime që ta merrte djalin dhe mos kishte më asnjë lloj lidhje me mua.

Mirela Milori: Të merrte nipin apo djalin e saj?

Violeta Hysa: Të dy!

Mirela Milori: U përballe me të?

Violeta Hysa: Normal që u përballa i thashë meqë po zgjedh nënën tënde vazhdo me të, unë djalin s’ta jap. Normal u largua, shkoi tek familja e vet.