I përmendi familjen dhe shtatzëninë, Bora Zemani nxjerr jashtë konkurrentin e Për’puthen
Viktori u përfshi sonte në “Për’puthen Prime” në një debat me Neda Ballukën.
Teksa opinionistja po komentonte takimet dhe njohjet që po zhvillon konkurrenti në program, ky i fundit i ngriti zërin duke e kundërshtuar. Por, nuk u ndal me kaq. Ai i përmendi Nedës familjen dhe përdori një koment të ulët për shtatzënisë e saj.
Menjëherë më pas, moderatorja Bora Zemani i kërkoi Viktorit të lërë studion. I nervozuar dhe me ofendimet që nuk i kurseu, ai doli nga skena, ndërkohë që Bora theksoi se do të ketë një vendim nga produksioni për këtë incident.
Sjelljen e Viktorit e dënoi Ardit Çuni dhe Olesia Leço, dy opinionistët e ftuar të kësaj mbrëmjeje.
