Jennifer Lopez: Kur u bëra nënë, u kërkova falje të gjithë miqve të mi

Fëmijët binjakë të Jennifer Lopez, Max dhe Emme, nuk janë më fëmijë, pasi të dy mbushën 14 vjeç në shkurt, kështu që padyshim që nuk kanë më nevojë për një dado. Por ajo që ishte dado e tyre vite më parë, dha dorëheqjen pasi ishte vetëm një javë me ta. Dhe e dyta gjithashtu.

“Nuk mund ta imagjinoni se si është të jesh nënë derisa të bëhesh një”, tha Lopez. “Unë u jepja këshilla miqve të mi që kanë fëmijë gjatë gjithë kohës, dhe ata më shikonin sikur të kisha tre koka. Dhe pastaj kur u bëra nënë, në momentin që kisha fëmijë, u kërkova falje të gjithë miqve të mi“, është shprehur J.Lo. Kur ishin të vegjël, binjakët kishin nevojë për vëmendje, pasi orari i ngjeshur e pengonte atë të kalonte me ta aq kohë sa donte. Normalisht, të famshëm si J.Lo punësojnë një dado për fëmijë.

“Njerëzit që fitojnë shuma të mëdha parash dhe kanë shumë detyrime profesionale dhe sociale punësojnë një dado për çdo fëmijë, veçanërisht për të sapolindurit. Por duket sikur Jennifer priste që një dado e vetme jo vetëm të kujdesej për të dy binjakët, por të punonte. 16 orë në ditë, shtatë ditë në javë!” një person i afërt me Lopez zbuloi për National Enquirer.

Dadoja e parë u largua brenda një jave, kështu që ata punësuan shpejt një të dytë. “Ata punësuan një dado të dytë, e cila ishte e mrekullueshme me binjakët, por nuk mund të përballonte të punonte kaq shumë orë pa pushim,” vazhdoi burimi.

“Pas dorëheqjes së dados, çifti filloi të kërkonte me dëshpërim dadon numër 3,” shtoi ai.

J.Lo nuk ka folur kurrë për dadot e ndryshme që e lanë thuajse menjëherë, por ajo ka treguar se si karriera e saj ka ndikuar tek fëmijët.

“Djali im më thotë: “Mami, do të doja të shkoja në një piknik me ty këtë javë, sepse e di që ke qenë duke punuar shumë”, tregoi Lopez në vitin 2017.