Joeli vëllai i Danit, surprizat e sezonit 2 të “H.O.T”

Mbrëmjen e sotme u transmetua në TV Klan episodi 10 i “H.O.T” dhe i fundit për këtë sezon. Ngjarjet kanë mbetur në një pikë kulminante pasi Dani sapo u lirua nga burgu dhe nuk e priste që përpara t’i dilte nëna e tij. Në fund të episodit 10, u transmetua edhe një pjesë e shkurtër nga sezoni 2 që duket se na rezervon shumë surpriza. Dani mëson se ka një vëlla dhe rolin e tij e luan Joeli.

Si do të zhvillohen ngjarjet tani që personazhe të rinj do i bashkohen serialit? A do të mund ta falë Dani nënën e tij, e cila e braktisi për kaq shumë vite? Po Amandën a do të mund ta rikthejë pranë vetes?

Na mbetet ta mësojmë në sezonin e 2 që së shpejti do të ketë edhe një datë zyrtare se kur do të nisë sërish.