Kai, mbesa 17-vjeçare e Donald Trump që mori gjithë vëmendjen në fjalimin e tij të fitores

Mbesa më e madhe e Donald Trump , Kai , bëri një paraqitje mahnitëse me një fustan vezullues me temina gjatë fjalimit të fitores së gjyshit të saj.

Ndërsa Trump foli, vajza 17-vjeçare e Donald Trump Jr. qëndroi pranë tij, e shoqëruar nga vajza e Trump, Ivanka dhe dhëndri Jared Kushner. Në këtë event morën pjesë edhe 18-vjeçari Barron dhe nëna e tij Melania.

Kai Trump, e cila së fundmi bëri paraqitjen e saj të parë të madhe në Konventën Kombëtare Republikane, është bërë një sensacion i mediave sociale, kryesisht falë pasionit të saj për golfin.

Pas daljes së saj në skenë, Kai ka postuar një foto me gjyshin e saj, duke shkruar: “Askush nuk punon më shumë dhe nuk kujdeset më shumë për popullin amerikan. Urime gjysh, të dua!”, shkroi ajo pas fitoreve të mëdha të Trumpit në Pensilvani dhe Wisconsin.

Në total, Trump ka pesë fëmijë dhe dhjetë nipër e mbesa dhe është nëritje të bëhet gjysh për herë të 11-të. Vajza e tij Tiffany është në pritje të fëmijës së saj të parë me burrin Michael, ndërsa Don Jr ka pesë fëmijë nga martesa e tij e parë me Vanessa. Disa nga nipërit e tjerë të tij, si Tristan dhe Spencer, nuk morën pjesë në fjalim./vizionplus.tv