Kartolina e 2021 na tregoi për herë të parë fytyrën e Dard Pajës
Gaz Paja dhe Ira Seferi u bënë prindër në tetor të vitit 2019. I vogli i tyre, Dard është 15-muajsh, por Gazi dhe Ira kanë preferuar ta mbajnë larg mediave sociale, deri këtë fundviti, kur kanë publikuar për herë të parë imazhin e vogëlushit të tyre.
Me një kartolinë familjare, çifti ka uruar Vitin e Ri dhe u ka prezantuar ndjekësve të birin. Dard shfaqet me një buzëqeshje të madhe në krahët e prindërve, që pozojnë të veshur festivë me pemën në sfond.
Gazi dhe Ira kanë postuar herë pas here foto me të birin, por gjithmonë duke u treguar të kujdesshëm për të mos zbuluar portretin e tij.
