Kate Hudson tregon si është të kesh tre fëmijë me baballarë të ndryshëm

Ajo është një aktore e njohur për shquar shpirtërore dhe prirje me diell.

Kate Hudson foli në lidhje me përvojën e saj si nënë, veçanërisht në lidhje me faktin se tre fëmijët e saj kanë secili një baba të ndryshëm. Ylli i filmave, tashmë 41 vjeç u rrëfye si asnjëherë.

Djali i saj i madh Ryder, 17 vjeç, me ish-burrin e saj Chris Robinson, djalin e vogël Bingham, nëntë vjeç, me ish të fejuarin e saj Matt Bellamy dhe vajzën Rani Rose, dy vjeç, me partnerin e saj Danny Fujikawa.

Kate foli edhe për babain e saj me të cilin për shkak të profesionit të tij si muzikant, ka qëndruar larg.

“Unë mendoj se është e rëndësishme që njerëzit të flasin. Ndonjëherë kemi nevojë për pak bisedë dhe humor për të na zhvendosur në vende ku mund të shërojmë disa nga plagët që na kanë shkaktuar nga familjet tona”, tha Kate.

“Unë kam një nënë të bukur. Unë kam një njerk që ka luajtur një rol të rëndësishëm në jetën tonë, por kjo nuk e zbeh faktin që ne nuk e njihnim babanë tonë”.

Dhe nga sa kuptohet, Kate e lidh jetën e saj të tanishme me atë të dikurshmen. Sipas fjalëve të saj, një pjesë e ndikimit në jetën që ka sot, vjen nga marrëdhënia e saj e munguar me babain.

“Unë kam shumë baballarë dhe fëmijë nga shumë baballarë”, shton aktorja.

Kate foli gjithashtu për karantinën me tre fëmijë nëpër këmbë. Njëri në fakt është adoleshent, por gjithsesi e vështirë për t`u menaxhuar në izolim.

“Unë dua të them që po, e kemi pranuar me qejf izolimin dhe jemi mirë, por realiteti është se ka ditë që janë të shkëlqyera, ia kalojmë mirë, ka të tjera që duhet t’i kujtoj vetes se duhet të jem mirënjohëse. Kurrë nuk e kisha menduar, në një milion vjet, që do të kaloja një vit të tërë duke qëndruar në një vend”, tha Kate që për shkak të filmave i është dashur të udhëtojë shpesh.

“Kur keni shumë fëmijë, ndonjëherë keni ato momentet ku e gjeni veten duke u fshehur në banjë e duke thënë, të lutem o Zot më largo nga këtu. Thjesht i kujtoj vetes se ka shumë njerëz që kanë humbur të dashurit e tyre, dhe ne thjesht duhet të qëndrojmë brenda për pak kohë,” shtoi ajo.