“Kërkoj drejtësi”, Zamira Durda: Gjykata të japë përgjigje se pse Erisoni nuk jeton

Zamira Durda, e cila humbi fëmijën 7-vjeçar në në tragjendinë e Gërdecit foli për mediat pasi seanca në ngarkim të ish-ministrit Fatmir Mediu u shty për shkak  të mungesës së prokurorit. Ajo tha se kërkon nga drejtësia t’i japë shpjegime se pse djali i saj nuk jeton.

“Kërkoj drejtësi. Kam pritur 15 vjet, dua një përgjigjem se pse Erisonin nuk jeton. Këtë pres nga gjykata. Për sa kohë që prokuroria ka çuar vetëm këtë nga zyrtarët e lartë dhe këtë kam kërkuar, që të marrë ose fajësi ose pafajësi me këto prova”, tha ajo.

Ndërkohë Mediu nuk u paraqit sot në SPAK, pasi në gjykatë kanë mbërritur vetëm avokatët e tij.